खजुरा (बाँके) : बाँकेको खजुरा गाउँपालिकाले ११४ औं अन्तराष्ट्रिय महिला दिवसको सन्दर्भ पारेर सुशील कोइराला प्रखर क्यान्सर अस्पताल खजुरामा उपचारार्थ भर्ना भएका क्यान्सरका विरामीलाई फलफुल बितरण गरेको छ ।

पालिकाको उपाध्यक्ष मञ्जु मल्लको नेतृत्वमा गएको टोलीले क्यान्सर अस्पतालमा उपचार गरारहनु भएका क्यान्सरका विरामीलाई पोषिलो फलफुल बितरण गरिएको हो ।

सो अवसमा खजुरा गाउँपालिकाका अध्यक्ष डम्बरबहादुर बिक तुफान, अस्पतालका मेसु डा. प्रकाशप्रसाद शाहलगायतको उपस्थिति रहेको थियोे ।

पालिकाका उपाध्यक्ष मल्लले अस्पतालमा उपचार गराउदै आएका करिब २ सय विरामीलाई फलफुल वितरण गरिएको जानकारी दिईन ।