नेपालगञ्ज :  हामी नेपालीले आफ्नो भान्सामा प्रयोग हुने मरमसलाको उचित प्रयोग गर्न जानियो भने सानोतिनो स्वास्थ्य समस्याका लागि अस्पताल धाउन र औषधि सेवन गर्नु पर्दैन ।

हरेक नेपालीको भान्सामा हुने यी मरसलाहरु जस्तै बेसार, अदुवा, लुसन, जिरा, ज्वानो, मेथी, तेजपत्ता, ल्वाङ, सुकुमेल र धेरैजसोको बगैंचामा हुने घिउकुमारी, तुलसी, पुदिना वास्तवमा यी सबैकुरा औषधीय गुणले भरिपूर्ण हुने हुँदा यीनको सहि उपयोग गर्नमात्र सके धेरै विमारी निको पार्न मद्दत पुग्छ ।

यी मध्ेय कै मरमसलाको प्रयोगले सामान्य ज्वरो, रुघाखोकीदेखि पेट दुखेको, जोर्नी दुखेको, घाउ खटिरा आएको, अपचभएको सबै अवस्थामा यसैलाई औषधिको रुपमा प्रयोग गर्न सकिन्छ । आफ्नो भान्सामा उपलब्ध सामग्रीको प्रयोग गर्न जानियो भने सानोतिनो स्वास्थ्य समस्याका लागि अस्पताल धाउनु पर्दैन ।

भान्साका यी औषधिहरु प्रयोग गर्न पनि सजिलो हुन्छ । जताततै उपलब्ध हुन्छ । यसको अर्को फाइदा भनेको शरीरलाई नकारात्मक असर गर्दैन । बिना साइड इफेक्ट विभिन्न स्वास्थ्य समस्याबाट छुटकारा पाउन सकिन्छ ।

धेरै नेपालीलाई हुने समस्या हो, ग्याष्ट्रिक । ग्याष्ट्रिक भएमा अदुवाको सेवन उपयोगी हुन्छ । अदुवामा एन्टी इन्फलेमेटरी गुण हुन्छ, जसको कारण यसले शरीरमा पाचक रस उत्पादन बढाउँछ । पाचक रस बढेपछि खानेकुरा पचाउन सजिलो हुन्छ । साथै शरीर भित्रको ग्याँस पनि बाहिर निस्कन्छ । अदुवालाई स–सना टुक्रा बनाएर वा पानीमा उमालेर खान सकिन्छ ।

पेटको समस्या वा ग्याष्ट्रिकमा ज्वानो पनि निकै उपयोगी हुन्छ । ज्वानोको दानालाई चपाएर वा पानीमा उमालेर सेवन गर्न सकिन्छ । पुदिना पेटको लागि धेरै गुणकारी वनस्पति हो । त्यसो त पुदिनाको अचार पनि स्वादिलो हुन्छ । पुदिनालाई अचारकै रुपमा वा त्यसै पनि सेवन गर्न सकिन्छ ।

हाम्रो घरको गमला तथा बगैचामा सजिलै घिउकुमारी अर्थात एलोभेरालाई स्वास्थ्य र सौन्दर्य दुबैका लागि उपयोगी मानिन्छ । पेटको स्वास्थ्यका लागि घिउकुमारीको जुस बनाएर सेवन गर्न सकिन्छ । यसले छाला तथा कपालको चमक पनि ल्याउँछ ।

कहिलेकाहीं मुख भित्र घाउ, खटिरा आउन सक्छ । यस्तो समस्यामा फिटकिरी उपयोगी हुन्छ । त्यसैगरी नुनपानीले कुल्ला गर्नुपर्छ । यसले दुखाई कम गर्नका साथै घाउ निको पनि हुन्छ । मनतातो पानीमा नुन मिसाएर कुल्ला गर्नुपर्छ ।

(माथी उल्लेख भएका कुराहरु हामै्र भान्सामा पाईने मसलाबाट गरिने सामान्य उपचार बिधी हुन भने गम्भीर समस्यामा रहेकाले नियमित विज्ञ चिकित्सकको सुझाव अनुसार उपचार विधि अपनाउन उत्तम मानिन्छ ।)