नेपालगञ्ज  : लायन्स क्लब आफ नेपालगञ्ज जीवनद्वारा सामुदायिक विद्यालयका विद्यार्थीको दाँत परिक्षण कार्यक्रम सम्पन्न गरिएको छ ।

लायन्स क्लब अफ नेपालगञ्ज जीवन र बाँके डेन्टल क्लिनिकको सहकार्यमा नेपालगञ्ज–१० चारबाहिनी रोडमा रहेको युद्ध संस्कृत माबिमा डेन्टल स्क्रीनिङ्ग प्रोग्राम ( दाँत परिक्षण ) कार्यक्रम गरिएको क्लवका चार्टड प्रिसिडेन्ट जीवन शर्माले जानकारी दिए ।

सो विद्यालयमा अध्ययनरत १ सय ५० भन्दा बढी विधार्थी लगायत शिक्षक शिक्षाको दाँत परिक्षण गरिएको उनले बताए ।

उनले सो शिविरमा सहभागी सबैलाई के समस्या छ र के गर्दा समस्या समाधान हुन्छ भनी आवश्यक सल्लाह सुझाव दिइएको छ भने १ दन्त मन्जन र १ ब्रस पनि वितरण गरिएको जानकारी दिए ।